-» الأمير سلطان بن سلمان
-» من اشعارنا
-»
عبدالكريم الشمالي-موقع شخصى خاص بالشاعروالإعلامي عبدالكريم الشمالي-المملكة العربية السعودية-المزاحمية
-»
قصيدة بمناسبة زيارة الأمير سلطان بن سلمان للمزاحمية
اخير المبتدأ ذكر الإله الواحـــــــد الرحمــــن
اله الخلق رب الكون والعرش سبحانه
بعد ذا مرحبا واهلا هلا ترحيب ياســــــلطان
هلا باسم البلد واهل البلد شيبه وشبانه
هلا باللي تخرج واكتسب من مدرسة سلمان
هلا باللي رقي درب المصاعب نهج جدانه
هلا يامن كفخ بين النجـــــــــوم ويتلو القرآن
هلا يامن طبع بأعلى سجل المجد عنواته
هلا بك يالامير ويالأمين وكافل اليتمان
عسى ربي يجازيكم عن الاحسان باحسانه
هلا باللي يخطط للسياحة يبني السيسان
وعلى نهج الشريعة خطط لسيسان بنيانه
تمنينا زيرتكم تطوّل قدر للامكان
ياحيث اقلوبنا ولهى على شوفك وشفقانه
تمنينا تجينا الفجر ونودعكم مسيان
تبل اكبود ناس لشوفة الحكام ولهانه
محبتكم ورثناها من الجدان للجدان
عسى ربي يعز الفهد ستر الدار واخوانه
وعسى ربي يعز المملكة ويذل للعدوان
وطن من عز شرع الله وفضل الله رفع شانه
وطن ماخلق مثله ولايذكر ولاقد كان
وطن قايده من عهد المؤسس هج ديوانه
وطن شعبه تساوى بالعدل والقسط والميزان
نحب اترابه وندهن رسايم جد عدوانه
وطن لأجله نبيع ارواحنا له بأرخص الأثمان
الى منه سمك في الجو باروده ودخانه
وطن ماهوب حبه هرج سرد ونظم فالقيفان
الى جت حزة اللازم تبيّنا علشانه
ختام القاف ذكر اللي خلقنا الواحد الرحمن
اله الخلق رب الكون وال العرش سبحانه
]