هذه الأبيات مقدمة للقاء لنافي احد المنتديات الشعبية ولقد قام العديد من الزملاء الشعار بالرد عليها
يامرحبا وعداد ما طاير طار = ترحيبة يسبق صداها صورها
يامرحبا يالحر يانسل الاحرار= يازراع الجزله وقاطف ثمرها
اقلط على حلة سديدين الاشوار= ربع على الطاله تقدي نظرها
منهل ظمايا الشعر وفحول شعار = تحليقة بين النجوم وقمرها
ولا عليكم زود يا فزعة الجار = واللي ذرعها للنشاما شبرها
(حمد السحيمي)
يامرحبا ترسل معى بث الأقمار=كل(ن)معى موجز علومه نشرها
يامرحبا بك في مقاديم الحرار=قوم وفاها ياالشمالي شهرها
بسمي وبسم مطوعت قب الامهار=اللي تسوق الطيب لو من نحرها
يامرحبا ترحيبت(ن)دمها حار= ترحيبت(ن)طيبك وجودك عمرها
يقولها اللي له معى الشعر مشوار=طاف البحور المضلمات وعبرها
(علي البورعي)
اهلا هلا ويا مرحبا عد ما ثار
....حمر الزروف بليل زاهي قمرها
بزواج عامر فيه ملعب وشعار
....ليلة سعيدة والمسير سمرها
وهلن هلا بعداد ما نسمع أخبار
....وعداد ما يحذف يهودي بحجرها
وعداد ما رفرف بجنحانه وطار
....جنس الطيور وعد زاهي زهرها
بك يا عقيد القوم يا نسل الاحرار
....عبدالكريم اللي المراجل ظفرها
(العطوي)
]