-» سلام يارافع لواء مجد الإسلام
-» من اشعارنا
-»
عبدالكريم الشمالي-موقع شخصى خاص بالشاعروالإعلامي عبدالكريم الشمالي-المملكة العربية السعودية-المزاحمية
-»
تم القاؤها بين يدي:
قائد الخير والعطاء والنهضة المباركة،ملك الإنسانية وصقر العروبة
خادم الحرمين الشريفين الملك عبدالله بن عبدالعزيزآل سعود حفظه الله
بمناسبة زيارته لروضة خريم عام 1429هـ
دعيت امم وشعوب
ســلام يارافع لواء مجد الإســلام يامـن رفع للشــعب شـــيمه وقيمه
وفضلك وخيرك مايعــدد بالأرقـام ومـدات جــودك كـــنها وبـل ديــمه
وبابك مشرع للمـلا طـــول الأيـام ووصلت شعبك في البيوت القديمة
لامانسـينا دمعـتك لأجـــل الأيتــام ولامانســـــينا ردعـــتك للجـــريمه
كل المناطق عاشـت بخير وانعـام وشـــعبكٍ بأمـــانٍ راتع في نعـيمه
من الجــنوب الخير ممتد للشــــام ومن غربها للشرق نهضه عظيمه
حـاكم حــكيم وعـــادل بكل الأحكام واكــبر عـدوٍ للخـــــطأ والظـلــيمه
وإن عال عايل جبت له قيد وخطام وتعف عن بعض العقول الســقيمه
انااشـــهد انه خاســر طـول الأيام من صرت ياصقر العروبه خصيمه
كلٍ شـهد لك فالدول عـبر الإعــلام تمشـــي بخـــير والنوايا ســـــليمه
دعيت امم وشعوب واديان واخصام بنشـر الحوار وشـــرع ربي مقيمه
عينك تشـــوح بعـــيد قـــدام قـــدام تنظر لهــا من بعــد نظـــرة حكيمة
ياسيدي في وصفك تجف الأقـــلام وكــل المدايح عند وصــفك عـقيمه
يابن المليك اللي بنى مجد وأعلام عبدالــعـزيز اللي فعـوله عـــديمه
من الكويت يسوقها سـوق مانام ووصل الرياض العاصمة فوق ريمة
وورد لشلفا حطت اشعار ووسـام ولااراتاح بالــه لــين ذكـى غـريمه
وخلا القبايل بينهم وصل وارحـام وارسـى قواعـدها بشرع وعـزيمه
ياسـيدي حــنا لك دروع وحــــزام علــى العـهد ضـد الـيدين الأثـيـمة
ثلاث ماتنباع في ســـوق ســــوام دين(ن) ودار وراســـك الله يديــمه
واختام يارافع لواء مجدالإســـــلام هـاذي مشــــاعر ابنكم من صميمه
عبدالكريم بن سعد الشمالي
القصيدة بصحيفة الجزيرة
]